Hemşaredara Şaredarîya Amedî ya Şaristanê Girdî Serra Bucak, Şaredarê Nablusî yê Filîstînî Samî A. Hîjjawî û Şaredarê Şaristanê Girdî yê Ajlounî yê Urdunî Hamza El Zghoulî ke beşdarê kombîyayîşê UCLG-MEWA'yî bîyî, ey reyde ameye têhet.

Kombîyayîşê hempare yê Komîteya Îdare û Konseyî yê Teşkîlatê Herêmî yê Rojhelatê Mîyanên û Asya Rojawanî yê Şaristananê Yewbîyayeyan û Rayberîyanê Herêmkîyan (UCLG-MEWA) ke bi mêmandarîya Şaredarîya Şaristanê Girdî yeno viraştene, roja diyine dewam keno. Hemşaredara Şaredarîya Şaristanê Girdî Serra Bucak mabênê roniştişan de şaredar û heyetan reyde ameye têhet.

Hemşaredare Bucak, Şaredarê Nablusî yê Filîstînî Dr. Samî A. Hîjjawî û Şaredarê Şaristanê Girdî yê Ajlounî yê Urdunî Hamza El Zghoulî reyde pêvînayîşêk kerd. Pêvînayîşî de Serekê UCLG-MEWA'yî yê Pêroyî Mehmet Duman, Serekê Şaredarîya Şaristanê Girdî yê Pêroyî Emrullah Gorduk û Hetkara Serekê Pêroyî Zerîn Turk zî ca girewt.

Pêvînayîşî de ke rewşa herême ameyî munaqeşakerdene, hetkarîya şaredarîyan û xebatê hemparî yê ke eşkenê bikerê, înan ser o qisey bî. Pêvînayîşî de şaradaran behs kerd ke Filîstîn û Urdun de hukmatê merkezî û rayberîyê herêmkî senî xebitîyenê."