Şaredarîya Amedî ya Şaristanê Girdî, seba gedeyanê ke Kreşa Zarokistanî ya 450 Keyeyan de perwerde vînenê, çalakîya reze û aktîvîteyê helîre organîze kerde.

Serekîya Daîreya Xizmetanê Komelkîyan wareyê xebatanê xo de seba gedeyanê ke Kreş û Keyeyê Miqateyê Rojkî yê Zarokistanî yê 450 Keyeyan de perwerde vînenê çalakîya reze û aktîvîteyê helîre viraşt. Aktîvîteyî de ke baxçeyê kreşî de virazîya, gedeyan bi destegê welî û perwerdekaran gozê ke layî ser o ameyê rêzkerdene helîre ke qazanan de ame peyşayene, tira kerdî û sucuxê gozinî viraştî, dima helîre seba bastêxî çarşefan ser o vila kerd.

Dima gedeyan sucuxê afînayî ke ameybî hazirkerdene û çarşefê bastêxan zî verdayî tîje ver. Aktîvîteyî de gedeyî hem kulturê xo musayî hem zî musayî ke engura ke herême de yena ramitene senî merheleyan ra vîyarena û senî bena tehmanê cîya-cîyayan.

Gedeyê ke beşdarê viraştişê sucuxê gozinî û bastêxî bîy, hem keyf girewt viraştişî ra hem zî bi zerrîya xo kay kerd.