Şaredarîya Amedî ya Şaristanê Girdî, çarçewaya aktiviteyanê peynîya hefteyî de taxanê şaristanî de seba domanan programê atolyeyê muzîk, boyaxkerdene û dramayî dewam kena.

Serekîya Daîreya Kulturî û Karê Komelkîyan, seba ke qabîlîyet û potansîyelê domanan bêro meydan û eleqeyê înan ê hunerî zêde bibo, atolyeyê hunerî yê domanan dewam kena. No hewte Qezayanê Kayapinar, Yenîşehîr û Baglarî de aktîvîteyî ameyî viraştene. Taxa Seyrantepe Sanayî, Taxa Kuçeyî ya Kayapinarî, Taxa 5 Nîsan ya Baglarî û Taxa Pirinçlikî de seba bi desan domanan Atolyeyê Hunerî yê Domanan ame viraştene.

Atolye de ke bi hemparîya Ma Muzîk Centerî ame viraştene, perwerdekaran bi defe û deyîranê ke eleqeyê domanan antêne, taxan ra gêrayî û domanî ardî têhet.

Perwerdekaran, domanan reyde xelqa viraşte û deyîrî kerdî, enstrumanî cenitî û resimî viraştî. Aktîvîte de domanan, welîyanê xo reyde keyf kerd û rojêka yewşeme ya weş û şêne vîyarnaye.