Bi hetkarîya Şaredarîya Amedî ya Şaristanê Girdî û Komela Perspektîfê Veganî de, antolojiyê taybetî yê Festîvalê Fîlmanê Kilman ê Çîftlîkê Veganî yê Mîyanneteweyî de 10 fîlmî Merkezê Kultur û Kongre yê Çand Amedî de do bêrê mojnayene.

Na serre ke yê dîyin Foça de virazîya, weçînayîşê taybetî yê Festîvalê Fîlmanê Kilman ê Çîftlîkê Veganî yê Mîyanneteweyî munasebetê 1ê Teşrîna Peyêne Roja Veganî ya Dinya de Amed de do bêro mojnayene. Xebate de ke bi hetkarîya Yewîya Sînema ya Serekîya Daîreya Kulturî û Karê Komelkîyan a Şaredarîya Amedî ya Şaristanê Girdî bena, 10 fîlmê kilmî do bêrê mojnayene.

1ê Teşrîna Peyêne saete 20:00 de Merkezê Kultur û Kongre yê Çand Amedî de mojnayîş do bêpere bo.

Fîlmê "Bêgan" (Destpêkerdiş), "Palissade" (Çît), "Polita" (Nazik), "Comme Un Homard" (Sey Îstakoze), "Dissapeared Pine Tree" (Çamê Vîndibîyaye), "Una Vez Manejê de Noche" (Şewêke Rayîr de), "Only With You" (Têna To Reyde), "Carnê E-S" (Goşt), "Ovo" (Hak), "Du Bout Des Doigts" (Vilêka Bêvenge) do temaşewanan reyde bêrê têhet.