Heyetê Îdareyê Meclîsê Şaristanî yê Amedî, bi serekîya Hemşaredaranê Şaredarîya Şaristanê Girdî û Meclîsê Şaristanî Serra Bucak û Dogan Hatunî kombîyayîşê xo yo hîrêyin kerd.
Heyetê Îdareyê Meclîsê Şaristanî yê Amedî kombîyayîşê xo yo hîrêyin kerd. Bi serekîya Hemşaredaranê Şaredarîya Şaristanê Girdî û Meclîsê Şaristanî Serra Bucak û Dogan Hatunî awanîya xizmetî ya Şaredarîya Şaristanê Girdî de kombîyayîş virazîya û endamê heyetê Îdareyê Meclîsê Şaristanî beşdar bîyî.
Kombîyayîşî de ke xebatî ameyî nirxnayene, Avukate Selvî Tunç bîye Sekretera Pêroyî ya Meclîsê Şaristanî û Veysî Kuzu zî bî Hetkarê Sekreterê Pêroyî."
