Rêxistinê DEM Partî û DBP'yî yê Batmanî vera tayînkerdişê qeyyûman rayîrşîyayîşêk organîze kerd. Hemserekê DBP'yî Çîgdem Kiliçgun Uçar û Keskîn Bayindir, parlamenterî, Hemşaredarê Şaredarîya Batmanî, temsîlkarê rêxistinanê sivîlan û Hemşaredarê Şaredarîya Amedî ya Şaristanê Girdî Dogan Hatun beşdarê rayîrşîyayîşî bîyî.
Hemşaredar Hatun û kesê ke ey reyde bîyî, Parka Yilmaz Guneyî de ameyî têhet û heta Çatrayîrê Çapemenî rayîr şîy.
'Ganî şima nê îradeyî bişinasnê'
Hemşaredar Hatunî ke badê rayîrşîyaîşî qisey kerd, ard vîr ke şinasnayîşê îradeyê şarî mecburî yo. Hatunî qeyd kerd ke şarê Batmanî 40 serrî yo seba heqanê xo mucadele keno û wina dewam kerd: "Batman îradeyê Batmanijan a, Mêrdîn îradeyê Mêrdînijan a, Xelfetî zî îradeya Xelfetijan a. Ganî şima nê îradeyî bişinasnê. Çunke ê heqdar ê, ê wayîrê a herr ê, ê a herre de ciwîyenê. Ewro şarê kurd pay ra yo, wayîr vejîyeno îradeyê xo. Yan şima do îradeyê ma bişinasnê yan şima do bişinasnê, ma çokê xo nêronanê erd. Şarê kurdî çokê xo nêronanê erd. Xem mekerê, wa awanîyê şima yê şima bê; ma wayîr vejînê îradeyê xo, awa xo, herra xo û ziwanê xo."
