Rojê Kayê Cinîyan yê Amedî yo 1. ke hetê Tîyatroyê Şaristanî yê Şaredarîya Amedî ya Şaristanê Girdî ra yeno organîzekerdene, kayê 'Hin Ji Gotina Me Neqedîyaye' ke Sîneyî ra ameyo û kayê 'Sevgî Soysal Îsrar Kena ke Biciwîyo' yê BGST’yî ameyî kaykerdene.

Rojê Tîyatroyê Cinîyanê Amedî yo 1. ke hetê DBŞT’yî ra yeno organîzekerdene, roja xo ya pancine de pê kayan dewam kerd. Tîyatroyê Şaristanî yê Amedî de kayê 'Hin Ji Gotina Me Neqedîyaye' ke Sîne ra ameyo, ame kaykerdene. Kay behsê têkoşînê mabênê yew nuştoxe cinîya ciwane ke wazena hîkayeya babî û birayê xo ke seba sebebanê sîyasîyan ameyê dardekerdene binuso, û yê maya aye keno.

'Sevgî Soysal Îsrar Kena ke Biciwîyo'

Merkezê Kultur û Kongre yê ÇandAmedî de zî Koma Hunerê Vînayîşî ya Bogazîçî (BGST) kayê 'Sevgî Soysal Îsrar Kena ke Biciwîyo' kay kerd ke hîkayeya cuye ya Sevgî Soysal ke 1936-1976 de ciwîyaya û nuştox, açarnayox û programsaza radyoyî ya, ci ser o vindeno. Kayo ke Duygu Dalyanoglu nuşto û Aysel Yildirim kerdo kay, Banu Açikdeniz, Burcu Îsra Kanbakogli, Duygu Dalyanoglu, Nîhal Albayrak û Zeynep Okan kay kerd. Kay di perdeyan de ameyo qalkerdene ke senî Soysal seba tedawîya kansêrî şîya Londra û uca bi wesîleyê karakteranê kitabanê xo hem ageyraya vîrê xo hem zî şîye gêrayîşê tarîxê welatî.

Badê kayî nuştoxe Sureyya Karacabey plakete da kaykeran.