Klubê Sporî yê Şaredarîya Amedî ya Şaristanê Girdî musabaqayanê lîganê hentboll û voleybollî de vera reqîbanê xo serkewtiş bi dest vist.

Klubê Sporî yê Şaredarîya Amedî ya Şaristanê Girdî ke binê Serekîya Daîreya Xizmetanê Ciwanî û Sporî de awan bîyê, musabaqayanê hentboll û voleybolî de hefte bi serkewtiş qedêna.

Taximê Şaredarîya Amedî ya Şaristanê Girdî ke Grûba G ya Lîga 2. ya Hentbolê Camêrdan ê Tirkîya de kay keno, salona Tesîsanê Sporî yê Kayapinarî de vera Klubê Sporî yê Şaredarîya Wanî ya Şaristanê Girdî kay kerd. Sporkarê DBB’yî verê maçî hem sporkaranê reqîbî hem zî hakemî rê vilikî pêşkêş kerdî.

Taximê DBB’yî bi skorê 29-25 musabaqa ra serkewte vejîya.

Badê maçî Aşxaneyê Şarî de werd dîyarîya taximê Wanî kerd.

Lîgê Voleybolê Cinîyan ê Mintiqa

Lîgê Voleybolê Cinîyan ê Mintiqa de zî Klubê Sporî yê DBB’yî, reqîbê xo Klubê Sporî yê Antepia Salona Sporî ya Koşklerî de mêman kerd. Musabaqa de ke reqabet zaf bî, tîmê DBB reqîbê xo Antepia bi setan 25-10, 25-12 û 25-17 bi netîceyê 3-0 mexlub kerd.

Futbol de seypêyîye

Grûba A ya Super Amatorî ya Amedî de zî Tîmê Futbolî yê Şaredarîya Amedî ya Şaristanê Girdî, Stadê Şilbe yê Seyrantepeyî de vera Surkent 21 Genclîksporî kay kerd. Musabaqa bi netîceya 1-1 bi seypêyî qedîya.