Taximê Voleybolê Cinîyan ê Ciwanan yê Şaredarîya Amedî ya Şaristanê Girdî, Taximê Voleybolê Cinîyan ê Ciwanan yê Unîversîteya Dîcle 3-0 mexlub kerd û serkewtişê xo yê dewam kerd.

Taximê Voleybolê Cinîyan ê Ciwanan yê Şaredarîya Amedî ya Şaristanê Girdî ke binê Serekîya Daîreya Xizmetanê Ciwan û Sporî de awan bîyo, çarçewaya Musabaqayanê Grûba Verênîya Wîlayetî de Salona Sporî ya Koşklerî de Taximê Voleybolê Cinîyan ê Ciwanan yê Unîversîteya Dîcle kerd mêman.

Musabaqa de Taximê Voleybolê Cinîyan ê Ciwanan yê DBB'yî reqîbê xo 3-0 mexlub kerd serkewtiş bi dest vist.

'Amancê ma o yo ke ma hîna baş temsîlkarîya wîlayetê xo bikê'

Antrenorê Taximê Voleybolê Cinîyan ê Ciwanan yê Şaredarîya Amedî ya Şaristanê Girdî Sitki Karataşî derheqê musabaqa de îzah kerd û va ke Musabaqayê Verênîya Wîlayetî yê Cinîyan ê Ciwanan dewam kenê û wina dewam kerd: "Ma heta nika hîrê musabaqayî kay kerdî û her hîrê ra zî serkewte vejîyayî. Amancê ma o yo ke ma musabaqayanê mendayan zî bibê serkewte û teber ra musabaqayanê grûbe de hîna baş temsîlkarîya şaredarîya xo û bajarê xo bikê. Ma sipasê şaredarîya xo û mudirê xo yê ke piştî danê ma, kenê."

'Ma fikirîyenê ke ma do Amed ra yewin vejîyê'

Kaptana Taximî Buşra Doker îfade kerd ke ê keyf kenê ke serkewtişê hîrêyinî bi dest visto û wina va: "Ma musabaqaya hîrêyine ya Cinîyanê Ciwanan zî kay kerd û ma na zî bi serkewtiş qedêna. Ma sey taxim zaf şa yê. Ez bi heskerdiş embazanê xo yê taximî verar kena. Ma fikirîyenê ke ma do Amedî ra yewin vejîyê. Ma zaf sipas kenê mudirê xo û hemşaredaranê xo rê."