Mudirîya Pêroyî ya DÎSKÎ ya Şaredarîya Amedî ya Şaristanê Girdî, problemê awa şimitişî ke Taxa Kabakaya ya girêdayeya Qezaya Lîce de serran ra nata ciwîyayêne, safî kerd.

Mudirîya Pêroyî ya DÎSKÎ, bi projeyê ke ameyê hazirkerdene û xebatê ke ameyê kerdene, problemanê awa şimitişî yê qeza û taxanê dewan yew bi yew safî kena.

Na çarçewa de Mudirîya Pêroyî ya DÎSKÎ ke projeyan rê rayberîye kena, seba ke problemê awa şimitişî ke 130 şarê Taxa Kabakaya ya girêdayeyê Qezaya Lîce serran ra nata ciwîyenê safî biko, dest bi xebate kerd.

Ekîbê ke girêdayeyê Mudirîya Şefîya Lîce ya DÎSKÎ yê, seba ke girêdayîşê sondaj û depoyanê awa şimitişî yê Taxa Kabakaya temîn bikerê, 500 metre xetê terfî antî û bi no hewa problemê awa şimitişî yê Taxa Kabakaya safî kerd. Ekîban bi xetê terfî ke qedîyayo, temîn kerd ke şar bireso awa şimitişî ya weş û kalîteyine.

Şarê taxe ke keyf û memnûnîya xo ya xebate ard ziwan, sipasê ekîbanê Mudirîya Pêroyî ya DÎSKÎ kerd ke mexdûrîyetê înan o ke ê xususen aşmanê hamnanî de seba problemê awa şimitişî ciwîyayêne, safî kerdo.