Keyeyê Miqate û Merkezê Rehabîlîtasyonî yê Heywanan ê Şaredarîya Amedî ya Şaristanê Girdî, 7 aşmanê peyênan de 5 hezar û 202 îxbaran rê mudaxele kerd.

Keyeyê Miqate û Merkezê Rehabîlîtasyonî yê Heywanan ke 2009î de binê Serekîya Daîreya Karanê Weşîye de awan bîyo û cayêko 17 hezar û 54 metrekareyî de xizmet dano, tede 51 koxê kutikan, keyeyê pisîngan, stargehê dewaran, odaya rontgenî, laborator, cayê amelîyatî û awanîya îdarî est ê.

Merkez ke kapasîteya ey 550 heywanî ya û 400ê înan kutikî û 150ê înan pisîng ê, tede tedawî û Miqateyê heywananê birîndaran beno û hewcedarîya werdî yena temînkerdene.

1 hezar û 202 heywanî xoza de ameyî verdayene 

Keyeyê Miqate û Merkezê Rehabîlîtasyonî yê Heywanan de ca de mudaxeleyê îxbaranê şarî keno. Ekîban ke 8ê Nîsane 2024î ra heta ewro 7 aşman de 5 hezar û 202 îxbaran rê mudaxele kerdo, Miqateyê 1 hezar û 202 heywanan temam kerd û ê verda xoza.

130 heywanan wayîr dîy

Ekîbî verê goreyê cinsîyetî heywananê ke ameyê merkez, cîya kenê û heywananê ke nêweş ê, rehabîlîte kenê. Ekîbî heywananê ke Miqate û tedawîyê înan qedîyayo, goreyê qanûnê hûmara 5199î verdanê cayê ke înan tira girewto û tayê heywanan rê wayîr zî peyda kenê. Na çarçewa de aşma peyên de pêro pîya 130 heywanan wayîr dîy ke 26ê înan pisîngî û 104ê înan kutikî bî.

Bi wasitaya mobîle ca de tedawî beno

Ekîbê merkezê Miqateyî, çarçewaya Programê Tedawîyê Cayî de bi Wasitaya Xesilnayîşî ya Mobîle xebata saha kenê. Wasitaya Xesilnayîşî ya Mobîle de hem heme taybetmendîyê ke ganî yew klînîk de bibê, est ê hem zî cayêko îzolekerdo û sterilîzekerdo, sistemê klîma û hewayî, sistemê awa germe û serde û seba cayanê ke elektrîk tede çin o, jenerator est o. Wasita ke seba xesilnayîşî heywananê bêwayîrî yê herêmanê dûrî bi heme amadekarîyan ameya hazirkerdene, tede sterîlîzator û sistemê qefesî yê rewşanê acîlan est a. Ekîban Wasitaya Xesilnayîşî ya Mobîle 368 heywanî tedawî kerdî û 19 kutikî zî xesilnayî.

'Xebatê ma yê xesilnayîşî dewam kenê'

Berpirsîyarê Keyeyê Miqate û Merkezê Rehabîlîtasyonî yê Heywanan Jêhat Altunî derheqê xebatan de melumat da û dîyar kerd ke înan aşma Nîsane ra nata 5 hezar û 200 îxbaran rê mudaxele kerdo û îxbaran de hûmara pisîngan kutikan ra zêdêr a. Altunî derheqê xebatan de nê melumatî dayî: "Ma nika zafêr xebatanê xesilnayşî ke qezayan ra yenê, ser o vindenê. Ma qezayan de seba tedawîyê heywanan xebatan kenê. Reyna bi Wasitaya Xesilnayîşî ya Mobîle cayanê cîya-cîyayanê bajarî de xebatê ma yê xesilnayîşî dewam kenê. Ma bi Wasitaya Xesilnayîşî ya Mobîle heywananê nêweşanê travmatîkî yê cayanê cîya-cîyayanê bajarî rê zî mudaxele kerd."

'Ma fikirîyenê ke ma seba heskerdişê heywanan de hîsdarîye virazêna'

Altunî îfade kerd ke stargeh eleqeyêko zaf wendekaran û şarî ra vîneno û wina dewam kerd: "4ê teşrîna verêne de munasebetê Roja Pawitişê Heywananê Dinya ya, ma nêzdîyê 1000 wendekarê mektebê cîya-cîyayanê bajarê ma ra qebul kerdî. Ma fikirîyenê ke ma hîsdarî û heskerdişê heywananê înan de hîsdarî virazêna. Heme wendekarê ke ameyî tîya, keyf kerd û şîyî."

'Heywanî ganê ma yê bêvengî yê'

Altunî va ke 7 aşman de înan heywananê ke şewatê Çinar û Mêrdînî de zerarê dîyo, înan rê mudaxele kerdo û dîyar kerd ke qezayan de teşebusê awankerdişê starge est o. Altunî wina dewam kerd: "Serekê Daîreya Karanê Weşîye û Hemşaredaranê Çinarî reyde derheqê stargehî de yew kombîyayîş ma kerd. Nêzdî de teşebusê akerdişê stargehî est o. Qezaya ma Erxenî derheqê naye de xebate kena. Bismîl cehd kena ke cayêk virazo. Nê çîyê muhîm ê. Do hîna rind bo ke qezayan de zî stargeh bêrê awankerdene û problem safî bibo. Heywanî ganê ma yê bêveng ê. Vengê înan çin o. Ma dewam bikê ke ma bibê vengê înan.