Şaredarîya Amedî ya Şaristanê Girdî kontrolan de ke seba şar bireso werdê weşî kena, 100 kîloyî goştê kergan ke demê xebetnayîşê ci vîyarto îmha kerd.
Serekîya Daîreya Karanê Weşîye, seba ke şar bireso werdê weşî, xebatanê xo dewam kena û kontrolê komkaranê werdan, qesaban û lokantayan kena.
Ekîbê Serekîya Daîreya Karanê Weşîye û Serekîya Daîreya Zabita, kargehanê ke goştê kerge roşenê û esnafê ke kîloyî pewtene kenê kontrol kerdî.
Xebate de 100 kîloyî goştê kerge ke demê xebetnayîşê ci vîyarto, hetê ekîban ra ame girewtene û îmha kerdene, kargehan ser o muameleyo qanûnî ame tetbîqkerdene.
Şaredarîya Şaristanê Girdî do her tewir tedbîrî bigîro û seba ke şar bireso werdê weşî do kontrolan dewam biko.
