Mudirîya Pêroyî ya DÎSKÎ yê Şaredarîya Amedî ya Bajarê Girdî, Mezraya Tokilka ya girêdayeyê Taxa Gulêcî ya Qeza Pasûrî de hezar metre xete ronaye û awa şimitişî resnaye şarî.

Mudirîya Pêroyî ya DÎSKÎ yê Amedî seba ke merkezê bajarî, qeza û taxanê dewan de sîstemêko binawanî yo modern awan bikero û awa şimitişî ya kalîteyine temîn bikero, xebatanê xo dewam kena.

Ekîbê girêdayeyê Mudirîya Şûbeyê DÎSKÎ ya Pasûrî, goreyê zêdebîyayîşê nifûsî Mezraya Tokilka ya Taxa Gulêcî de hezar metre xeta awa şimitişî ronaye. Bi xebatanê ke qedîyayî, mezra de ke 100 kesî tede ciwîyenê vernîya problemanê awa şimitiş û şuxulnayîşî ke do ameyox de bibê, ame girewtene.

'Xebatê ma seba xizmetê kalîteyinî dewam kenê'

Mudirê Pêroyî yê DÎSKÎ Mehmet Şerîfogluyî dîyar kerd ke seba ke ê awa şimitişî ya ke çimeyê ciwîyayîşê bingeyînî ya, bi hawayêko bêvindertene û weş biresne cayê tewr dûrî yê bajarî, xebatê xurtkerdiş û ronayîşê binawanî bêmabên dewam kenê.