Şaredarîya Amedî ya Bajarê Girdî, munasebetê 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan de çarçewaya kampanya de Taxa Goksu ya Qeza Bismilî de xebata şinasnayîşî kerde.

Serekîya Daîreya Xizmetê Cinî û Keyeyî ya Şaredarîya Bajarê Girdî û Mudirîya Xizmetê Cinî û Keyeyî ya Şaredarîya Bismilî, munasebetê 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan de çarçewaya kampanya "Vatişê ma nêqedîyayo, ma do pîya şîdetî vindarnê" de Taxa Goksu de fealîyet organîze kerd.

Cinîyê Taxa Goksu beşdarê xebata şinasnayîşî bîyî. Xebata şinasnayîşî de cinîyî derheqê "Neseypêyîya cinsîyetê komelkî, têkoşînê vera şîdetê cinîyan û tewirê şîdetî, Qanûnê Numreyê 6284î û dezgehê ke vera şîdetî yenê muracaatkerdiş" de ameyî agahdarkerdene.

Cinîyan rê broşurê agahdarkerî ameyî vilakerdene û seba domananê ke cinîyan reyde beşdarê fealîyetî bîyî zî qada kayî ame viraştene.