Şaredarîya Amedî ya Bajarê Girdî û şaredarîyê qezayan, otobusan de broşurî vila kerdî û bale ant şîdetê vera cinîyan ser o.

Serekîya Daîreya Xizmetê Cinî û Keyeyî ya Şaredarîya Bajarê Girdî, munasebetê 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan de şaredarîyê qezayan reyde pîya dest bi kampanya "Vatişê ma nêqedîyayo, ma do pîya şîdetî vindarnê" kerd ke do yew serre dewam biko û fealîyetê ke çarçewaya kampanya de yenê organîzekerdiş, dewam kenê.

Serekîya Daîreya Xizmetê Cinî û Keyeyî û Mudirîya Xizmetê Cinî û Keyeyî ya Şaredarîya Yenîşehîrî, otobusê Şaredarîya Bajarê Girdî de broşurî vila kerdî û bale ant şîdetê vera cinîyan ser o.

Hemşaredara Şaredarîya Yenîşehîrî Safîye Akdag û endamê meclîsê şaredarîyan zî beşdarê xebate bîyî.

'Her tewir şîdetê vera cinîyan suc o'

Otobusan de ke broşurê ke tede melumatê merkezanê cinîyan ê şaredarîyan û sloganê kampanya ca gênê, vila bîyî, ame dawetkerdene ke seba vindarnayîşê şîdetê cinîyan wa pîya têkoşîn bêro dayene. Ame dîyarkerdene ke behaneyê şîdetê cinîyan nêeşkeno bibo û ame vatene "Her tewir şîdetê vera cinîyan suc o. Ma nê sucî de nêbê hempar û vengê xo nêbirnê. Seba ke ma şîdetî vindarnê ma pîya têkoşîn bidê."

Tayê raywananê otobuse zî bi sloganê "Jin jiyan azadî" piştî da xebate.