Taximê Voleybolê Cinîyan yê Şaredarîya Amedî ya Bajarê Girdî, vera Taximê Zeugmayê Dîloki 3-1 ser kewt û puanê xo kerd 18.

Taximê Voleybolê Cinîyan yê Şaredarîya Amedî ya Bajarê Girdî ke binê Serekîya Daîreya Xizmetanê Ciwanî û Sporî de awan bîyo û Lîga 2. ya Voleybolê Cinîyan Grûba 15. de mucadele keno, Salona Sporî yê Koşkleran de Taximê Zeugmayê Dîloka mêman kerd.

Musabeqa, Hetkarê Sekreterê Pêroyî yê Şaredarîya Bajarê Girdî Reşat Bakan, Serekê Daîreya Xizmetanê Ciwanî û Sporî Çetîn Hasgumuş, endamê meclîsî û terefdarî temaşe kerd.

Musabeqa de Taximê Voleybolê Cinîyan yê DBB'yî, Taximê Zeugmayê Dîlokî 3-1 mexlub kerd û puanê xo yê grûbe kerd 18.

Taximê Voleybolê Cinîyan yê DBB'yî ke grûbê xo de rêza 3. de yo, 23ê Teşrîna Peyêne de teber de do Besnî Gençlîksporê Semsûrî reyde bikewo têver.

Badê musabeqa Hetkarê Sekreterê Pêroyî Reşat Bakanî, seba mucadeleyê ke dayo taxim pîroz kerd û waşt ke serkewtişê ci dewam biko.