Şaredarîya Amedî ya Bajarê Girdî, Bulwarê Mehabadî yê Qezaya Kayapinarî de rayîrê biskêletan o verên yê bajarî ke 11 kîlometreyî yo, badê 8 serran dest bi xebata newekerdişî kerd.

Serekîya Daîreya Resayîşî, Bulwarê Mehabadî yê Qeza Kayapinarî (Kuçeya 75) de rayîrê biskêletan o verên yê bajarî ke 2015 de virazîyayo û herayîya ci 3 metre, dergîya ci zî 11 kîlometreyî ya (5.5 km ameyîş, 5.5 km şîyayîş), badê 8 serran dest bi xebata newekerdişî kerd.

Tabelayê di ziwanî

Çarçewaya xebate de ke ekîbî kenê, erdê rayîrî ser o sembolê biskêletan bi boyaxî yenê antene, tabelayê ke bi tirkî û kurdkî nusîyayê, yenê newekerdene.

Ekîbî, seba ke rehetî û emnîyetê ramitişê biskêletan zêde bikê xebatanê pawitiş û tamîrî dewam kenê û goreyê şertanê hewayî boyaxê rayîrê biskêletan ê nêesternaye reyde do newekerdişê înan zî bikerê.

Serekîya Daîreya Resayîşî, seba ke rayîrê biskêletanê bajarî hîna estetîk asê do xebatanê xo dewam biko.