Şaredarîya Amedî ya Bajarê Girdî, seba ke heskerdişê tebîetî domanan de xurt biko, Kreş û Keyeyê Miqateyê Rojkî yê Zarokîstanî yê 450 Keyeyan de Atolyeya Topanê Toximî organîze kerd.
Serekîya Daîreya Vurîyayîşê Îklîmî û Eşteyê Sifirî, seba domanê Kreş û Keyeyê Miqateyê Rojî yê Zarokîstanî ke girêdayeyê Mudirîya ŞûbeyêDomanan a Serekîya Daîreya Xizmetanê Sosyalan o, "Atolyeya Topanê Toximî" organîze kerd.
Fealîyetî de ke Kreş û Keyeyê Miqateyê Rojkî yê Zarokîstanî yê 450 Keyeyan de ame kerdene, toximê mazêrî bi herre ameyî dilorkerdene û bîyî topanê toximî. Domanî bi atolye keyf kerd û firsendê şinasnayîşê tebîetî dî.
Atolye de domanan rê ame îzehkerdene ke toximî senî herre mîyan de yenê pawitene û heta ke şîn bibê do senî ewle bimanê. Ame dîyarkerdene ke topê toximî seba ke toximî va û tesîranê teberî yê bînan ra bipawê û biresê herre virazîyenê.
Domanî ke rayîrê pîlbîyayîşê toximan musayî, topê toximî sey destpêkê daran ke do ameyox de kesk bibê înan dîzayn kerd. Topê toximî ke ameyî viraştene, fealîyetê ameyoxî de cayanê ke ameyê dîyarkerdene, do tede ca bibê û bi herre reyde bêrê têhet.
