Şaredarîya Amedî ya Bajarê Girdî, seba cinîyan ke şaredarî de xebitîyenê "Atolyeya Pawitişê Nezdî" dest pêkerd.

Serekîya Daîreya Xizmetê Cinî û Keyeyî, bi munasebetê 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan kampanyaya "Vatişê ma nêqedîya, ma do pîya şîdetî vindarnê" de fealîyetanê ke organîze kena, dewam kena.

"Atolyeya Pawitişê Nezdî" ke seba xebatkaranê cinîyan ê Şaredarîya Bajarê Girdî ameya organîzekerdene dest pêkerd. Atolye de ke Merkezê Cuya Cinîyan ê Parka Koşuyoluyî ya Qeza Baxlarî de ameye organîzekerdene, 15 cinî beşdar bîy.

Atolye de ke do di aşmî dewam bikero, do teknîkê ‘cinîyî senî eşkenê xo hêrîşan ra ke mumkin o rastê înan bêrê bipawê’ bêrê musnayene. Amancê atolye o yo ke ewro ke şîdet zêde beno, cinî bieşkê ciwîyayîşê xo yê rojane de vernîya êrîşanê mumkunan bigîrê û emnîyetê xo temîn bikê