Hemşaredara Şaredarîya Amedî ya Şaristanê Girdî Serra Bucakî, xebatê 'Dingê Zîrekî' ke Serekîya Daîreya Resî arde meydan, cayê xo de kontrol kerdî.

Serekîya Daîreya Resî, seba ke raywanî bieşkê demê resayîşê otobusan kontrol bikerê, dingan de ekranê agahdarîkerdişî ronayî.

Hemşaredare Bucak, Dingê Esma Ocakî ke qezaya Yenîşehîrî de yo kontrol kerd. Bucak, Hetkarê Sekreterê Pêroyî Reşat Bakan û Serekê Daîreya Resî Temel Cengîzî ra derheqê ekranê agahdarîkerdişê raywanan de malumat girewt. Bucak, seba ke kêmanîyê ke dingan de est ê, bêrê temamkerdene, beşê eleqedarî wezîfedar kerdî.

Hemşaredare Bucak raywanê ke dingî de paweyê otobusî bî, ey reyde sohbet kerd û goşdarîya fikr û pêşnîyazanê înan kerd.

Kontrolkerdişî de, Bakan û Cengîzî ra teber, endamê meclîsî zî Hemşaredare Bucak reyde bîyî.