Hemşaredarê Şaredarîya Amedî ya Şaristanê Girdî Dogan Hatun, beşdarê 14. Fuarê Turîzm û Gêrayîşî yê Anatolyaya Rojhelatî bî ke emser Wan de ame viraştene.

Şaredarîya Amedî ya Şaristanê Girdî, Fuarê Turîzm û Gêrayîşî yê Anatolyaya Rojhelatî de ke bi pêşengîya Şaredarîya Wanî ya Şaristanê Girdî berê xo akerdî, stand akerd. Serekîya Daîreya Karê Kulturî û Sosyalî, fuarî de ke 3 rojan do mêmanan qebul bikero, do Amedî bido şinasnayene.

Hemşaredarê Şaredarîya Şaristanê Girdî Dogan Hatun, beşdarê akerdişê fuarî bî. Hemşaredar Hatun, badê akerdişî standê Şaredarîya Şaristanê Girdî de mêmanî qebul kerdî. Hemşaredar Hatun dima standê bînî zî kontrol kerdî.

Mudirîya Şûbeyê Turîzmî yê Serekîya Daîreya Karê Kulturî û Sosyalî û Odaya Bazirganî ya Amedî (DTSO) pîya standêk akerd, tede 3 rojî ajansanê turîzm û gêrayîşî yê welatî û teberî rê do tarîxê dewlemendî, gastranomî û turîzmê Amedî bidê şinasnayene.