Şaredarîya Amedî ya Şaristanê Girdî, seba ke bale bianco kanserê memikan û kanserê fekê rehimî ser, yew programê perwerdeyî organîze kerd.

Mudirîya Şûbeyê Karê Îdarî yê Weşîye ya girêdayeya Serekîya Daîreya Weşîye, bi programanê perwerdeyê weşîye ke taxan de organîze kena, cinîyan derheqê kanserê memikan û kanserê fekê rehimî de agahdar kena.

Cinî vera kanserî ameyî agahdarkerdene

Çarçewaya xebatanê fehmkerdişî yê vera kanserî ke Merkezê Weşîye yê girêdayeyê Mudirîya Karê Îdarî yê Weşîye yê Serekîya Daîreya Karê Weşîye keno, Taxa Ozerkli ya girêdayeya qezaya Sûrî de, cinîyan rê kanserê memikan û kanserê fekê rehimî ame îzehkerdene. Salone deke tede pêşkêşî bi slaytan ameye kerdene, cinî derheqê nîşaneyanê kanserê memikan û rehimî, faktorê rîskî, metodê teşxîs û tedawî de ameyî agahdarkerdene.

Teşxîso veren cuye xelisneno

Programî de ame vatiş ke cinî eşkenê her aşme bi xo muayene bikê û ame îfadekerdiş ke eke kanserê memikan rew bêro teşxîskerdiş, tedawî do hîna zêde serkewtî bo. Programî de ame îfadekerdiş ke testanê kontrolî de kanserê memikan û kanserê fekê rehimî eşkenê qonaxanê verênan de bêrê teşxîskerdene û cinîyan rê ame îzehkerdene ke testê smear û mamografî senî yeno kerdene.

Cinî kontrolê weşîye ra vîyartî

Çarçewaya programî de 100 cinî kontrolê weşîye ra vîyartî, 20 cinîyan rê kontrolê memikan ame kerdene û 4 nêweşan rê ke seba problemanê weşîye nêeşkayî bêrê salone, keyeyan de xizmetê weşîye ame dayene. Bi no hewa pêroyî 124 cinîyan rê xizmet ame dayene.

Programî de ke destekê psîkolojîk zî cinîyan rê ame dayene, ekîban domanî zî nêkerdî xo vîrî. Ekîbanê ke hem domana reyde kay kerd hem zî înan rê derheqê pakîya dindanan û destan de malumat da, dima cinî û domanê ke beşdarê perwerdeyî bîbî, înan rê kek û awa meyweyan pêşkêş kerd.