Hemşaredarê Şaredarîya Amedî ya Şaristanê Girdî Serra Bucak û Dogan Hatunî, beşdarê zîyafetê gala yê Zîrweya Serra 20. ya TURKONFEDî û DOGUNSIFEDî bî ke bi temaya "Rîskê Globalî û Çareyê Lokalî" ame organîzekerdene. Hemşaredare Bucake rê nameyê hemparanê herêmkîyan ser o plakete ameye dayene.

Hemşaredarê Şaredarîya Amedî ya Şaristanê Girdî Serra Bucak û Dogan Hatunî, beşdarê zîyafetê gala yê Zîrweya serra 20. bî ke ortaxîya Konfederasyonê Dinya Karî ya Tirkîye (TÜRKONFED) û Federasyonê Komelananê Sanayîkar û Merdimê Karî yê Rojhelat û Başûrê Rojhelatî (DOGUNSIFED) bi temaya "Rîskê Globalî û Çareyê Lokalî" organîze kerd. Otelêkê bajarî de aktîvîte organîze bî û merdimê karî û endamê odayanê meslekan beşdar bî.

Aktîvîteyî de nameyê hemparanê herêmkîyan ser o ke piştî daya zîrwe, Serekê TURKONFEDî Suleyman Sonmez û Serekê DOGUNSIFEDî Devrim Turkî plakete daye Hemşaredara Şaredarîya Şaristanê Girdî Serra Bucake.

Organizasyonî de odayanê meslekan û merdimê karî yê bînan rê zî plakete ameye dayene.

 

Zîyafetê gala de Sekreterê Pêroyî Emrullah Gorduk, Hetkarê Sekreterê Pêroyî Zerîn Turk, Hemverfekê Meclîsî Emîne Akin û Ebduselam Înceoren zî hemşaredaran reyde bîy.