Hemşeredarê Şaredarîya Amedî ya Şaristanê Girdî Dogan Hatunî musabaqaya ke Amedsporî Şanliurfaspor bi skorê 2-1 bin vist, stadyum de temaşe kerd.

Amesporo ke Lîga 1. ya Federasyonê Futbolî ya Tirkîya (TFF) de kay keno, Stadyumê Amedî de vera Şanliurfasporî kay kerd. Hemşeredarê Şaredarîya Şaristanê Girdî Dogan Hatunî, Hemşeredara Şaredarîya Kayapinarî Berîvan Gulşen Sîncar, Hemşeredarê Şaredarîya Baglarî Sîrac Çelîk, Serekê Klubê Amedsporî Burc Baysal, Serekê Odaya Tîcaret û Sanayî ya Amedî (DTSO) Mehmet Kaya, Serekê Baroya Amedî Ebdulkadîr Guleç û Hetkarê Sekreterê Pêroyî Reşat Bakanî reyde pîya temaşe kerd.

Amedsporî rakîbê xo Şanliurfaspor bi skorê 2-1 bin vist û puanê xo kerd 21.

Badê musabaqa Hemşeredar Hatunî, seba serkewtişî Serekê Klubê Amedsporî Burc Baysal pîroz kerd û seba dewamkerdişê serkewtişan waştişê xo îfade kerd.