Mudirîya Pêroyî ya DÎSKÎ ya Şaredarîya Amedî ya Şaristanê Girdî, cayê roniştiş ê neweyî yê Taxa Tekelî ya qezaya Farqînî rê xeta awa şimitişî ya 2 hezar metre ronaye.

Mudirîya Pêroyî ya Îdareyê Awe û Kanalîzasyonê Amedî (DÎSKÎ), seba ke problemê awa şimitişî yê qeza û dewan bi hawayêko pêroyî safî bibo, cehd kena.

Şarê ke Keyeyê Komkî yê Millî Egemenlîkî yê ke mîyanê cayanê roniştiş ê neweyan ê Taxa Tekelî de yê, seba temînkerdişê awa şimitişî muracatê xo Mudirîya Şaxa Farqînî ya Mudirîya Pêroyî ya DÎSKÎ’yî kerdbî.

Badê muracatî Mudirîya Pêroyî ya DÎSKÎ bêke wext vindî bikero, seba xizmetê şarî dest bi xebate kerd. DÎSKÎ, goreyê proje ke muhendîsanê DÎSKÎ’yî goreyê nifus û planê îmarî hazir kerd, dest bi viraştişê xeta awa şimitişî ya 2 hezar metre kerd.

Badê ke xebatî demêko kilm de temam bîyî, şarê Taxa Tekelî yo ke Keyeyê Komkî yê Millî Egemenlîkî de ciwîyeno resaye awa şimitişî ya biweşîye.

Mudirîya Pêroyî ya DÎSKÎ do merkezê bajarî û dewan de xebatanê awa şimitişî û binawanî dewam bikero.