Hemşeredara Şaredarîya Amedî ya Şaristanê Girdî Serra Bucak, serekê şaredarîyanê Karlsruhe yê Almanya û Loule yê Portekîzî ke beşdarê Kombîyayîşê Komîteya Sîyasî ya Meclîsê Şaredarî û Herêmanê Ewropa (CEMR) bîyî, înan reyde ameye têhet.

Kombîyayîşê Komîteya Sîyasî ya Meclîsê Şaredarî û Herêmanê Ewropa (CEMR) ke bajarê Karlsruhe yê Almanya de organîze beno, dewam keno.

Hemşeredare Bucak, çarçeweya kombîyayîşî de Serekê Şaredarîya Karlsruhe yê Almanya Frank Mentrup û Serekê Şaredarîya Loule yê Portekîzî Vitor Alexio reyde pêvînayîşêk kerd. Pêvînayîşan de hetkarîya şaredarîyan û xebatê hemparî ke şênê bikerê, ameyî qiseykerdene.

Pêvînayîşan de Hemşeredara Verêne ya Şaredarîya Wanî Bedîa Ozgokçe zî Hemşeredara Bucake reyde bîye.