Hemşaredarê Şaredarîya Amedî ya Şaristanê Girdî Dogan Hatun, temsîlkaranê Ofîsê Rêxistina Wer û Ziraetî ya Neteweyê Yewbîyayan (FAO) û Bankaya Îmar û Averşîyayîşî ya Ewropa yê Tirkîya reyde ame têhet. Têhetameyîşî de projeyê ziraetî yê herême ameyî rojeve û qerarê xebata pîyayî ame girewtiş.

Têhetameyîşê FAO’yî de wareyê ziraet û averşîyayîşê dewan de fersendê hemkarîye ameyî qalîkerdiş û projeyê ziraetî yê herême ser o warê xebata pîyayî ame nirxnayene. Temsîlkaranê FAO’yî va ke ê do averşîyayîşanê herême rê piştgirî bidê û warê xoserîya xo de do şaredarî reyde zanayîşan ê pare bikerê.

Têhetameyîşê Bankaya Îmar û Averşîyayîşî ya Ewropa (EBRD) de zî potansîyelê hemkarî ame qiseykerdene. Têhetameyîşî de reyna potansîyelê bajarî yê binawanî, resayîş, enerjî û averşîyayîşo ekonomîk ame qalîkerdiş.

Hemşaredar û hevalê ey hedefê averşîyayîşî û projeyê Dîyarbekirî EBRD’yî reyde par kerdî û qerar ame girewtiş ke xebatê teknîkî do dest pêbikerê.

Zîyaretan de Sereka Daîreya Xizmetê Cinî û Keyeyan Ozden Gurbuz Sumer, Serekê Daîreya Etud û Projeyan Murat Akbaş û Serekê Daîreya Projeyanê DÎSKÎ Adnan Aydin zî tede bîy.