Hemşaredara Şaredarîya Amedî ya Şaristanê Girdî Serra Bucak va ke personelê ke Serekîya Daîreya Karê Weşîye de dermankerdiş kenê, demê xebata înan 9 aşman ra bî 12 aşmî û kontratî do goreyê ney bêrê viraştene.

Serekîya Daîreya Karê Weşîye de vurîyayîşêko muhîm ame kerdiş. Personelo ke verê cû 9,5 aşmî xebitîyayêne, serra 2025î ra tepîya do 12 aşmî bixebitîyo. Bi nê vurîyayîşî 155 personelî do têkoşînê zimistanî de zî bêrê xebitîyayene.

Bucak Salona Konferansê Alî Emîrî de kombîyayîşê agahdarîye de va ke wexto ke înan îdare girewto, bingeyê sazgehan newe ra viraşto û heta nika waşto ke probleman safî bikerê. Bucak va ke ameyoxê bajarî bîyo 2 mîlyonî û problemî zî bîyê zêde, xebatanê Daîreya Weşîye ra yew zî xebata dermankerdişî ya ke vera melşeyan de yena kerdene.

Bucak peynîya qiseykerdişê xo de va: "Ma wazenê ke zimistanî de ma têkoşînê zimistanî bi zanayîş, tecrube û hunerê şima rê rind bido. Wexto ke hamnan yeno ma wazenê ke ma probleman ra xelesîyaye şarê Amedî ver de vejîyê. Personel êdî do 12 aşmî bixebitîyo. No hem heqê karkeran o hem zî krîzê ekonomîkî de lazim o. Ez hêvî kena ke serrnewe Tirkîya û Rojhelatê Mîyanênî rê aştî û azadî biyaro."