Şaredarîya Amedî ya Şaristanê Girdî seba ke bajar bibo kesk û rindek, cayê cîya-cîyayan de 1 mîlyon û 152 hezar û 367 nebatî ronayî.

'Xebatê serayan'

Serekîya Daîreya Park û Baxçeyan serayan de nebatan ramena û 4 qezayanê merkezî de înan ronana. Mudirîya Şûbeyê Fîdanlixî û Darûberinkerdişî aşma Nîsane û Kanûne ya 2024î de Fîdanlixê TOKÎ yê qezaya Yenîşehîrî de 1 mîlyon û 152 hezar û 367 vilikî, darî û nebatî xebitnayî.

'Nebatê neweyî'

499 hezar û 87 hebî lahanaya xemilnayene û menewşî cayê cîya-cîyayan de do bêrê ronayene. 4 hezar gulî yê tewirê Yediveren, Muhammediye û Meylandî zî wesarî ameyî ronayene. 2025î de do 10 hezar gulî bêrê ronayene û Amed do bibo "bajarê gulan."

‘47 hezar darî ameyî terşnayene'

Ekîbê 23 kesî goreyê programî xebata terşnayîşê daran kenê û na çarçewa de 47 hezar û 824 darî ameyî terşnayene. Mudirîya Şûbeyê Pawıtişî zî 1 mîlyon û 513 hezar metrekare de vaş arê kerd û 370 hezar metrekare de vaşê xoserî pak kerdî.

Daîre xebata abirnayîşê awe ser o zî vindena û bajar de peyzajo ziwa viraşt. Awa ke yena şuxulnayene kerde tay û cayê nebatanviraştiş de curuf, taşeyê darî û ponza şuxulnayî.