Hemşaredarê Şaredarîya Amedî ya Şaristanê Girdî Dogan Hatun beşdarê merasîmê Cemîyetê Rojnamegeran ê Başûrê Rojhelatî bî û va " Ez wazena ke ameyoxêko weş bi qelemanê şima bêro nuştene."

Hemşaredar Dogan Hatun beşdarê merasîmê xelatdayîşê 'Rojnamegerê Serkewte yê Serre bî ke 38. rey hetê GGC ra ame organîzekerdene. Merasîmo ke yew otelê Sûrî de ame viraştene, Hemşaredar Hatunî ra vêşêr, temsîlkarê partîyanê sîyasîyan, rêxistinanê sivîlan û rêxistinanê meslekan ê rojnamegeran û zaf rojnamegerî beşdar bîyî.

Hatunî qiseyê xo de bale ant şertanê zehmetan yê rojnamegerîye yê Rojhelatê Mîyanênî ser o û va ke ê sey rayberîya herêmkî pawitişê heqê resayîşê malumatanê bêsansur û azadan kenê. Ey va ke rojnamegerî seba rastîye ganê xo kenê xetere û hurmetê xo ê rojnamegeranê ke Filîstîn û Sûrîye de ameyê qetilkerdiş, înan rê mojna.

Merasîmî de 12 eserî bîyî yewin û 7 eserî xelatê mansîyonî girewtî. Hemşaredare Hatunî xelatê Azîz Aslanî yê Ajansa Anadoluyî (AA) da ey.