Hemşaredarê Amedî Dogan Hatunî kombîyayîşê DÎTAM’î de dîyar kerd ke ê do bajarî pîya aver berê û aşma sibate de Serekîya Daîreya Sîstemê Asinrayîrî ronanê. Nê kombîyayîşî de endamê rêxistinanê komelkîyan û akademîsyenî zî beşdar bîyî.

Hatunî qiseykerdişê xo de va: "Nê 9-10 aşman de ma çîyo ke rijîyayo, nêvirazîyayo û vîndî bîyo reyna awan kerd. Ma awe, kanalîzasyon û xizmetanê bînan heme ardî sewîyeya weşe. Şar zî êdî psîkolojîk xo rehet hîs keno. Ma do naye ra dima sozê ke ma şarê xo rê dayê bîyarê ca."

Hemşaredar Hatunî bale ant ke cinî û astengdaran rê çî nêkerdo û va: "Sankî nê bajarî de tena camêrdî ciwîyenê. Coka ma Serekîya Daîreya Astengdaran akerde û êdî aşma sibate de zî ma do Serekîya Daîreya Sîstemê Asinrayîrî akerê. Ma wazenê ke nê bajarî de her kes rehet û weşîya xo de biciwîyo."