Şaredarîya Amedî ya Şaristanê Girdî, 'Rojê Fîlmanê Sînebîrî' ke seba gede û pîlan viraşto û 3 aşmî dewam biko, dest pêkerd. Yewîneya Sînema ya Serekîya Daîreya Kulturî û Karê Sosyalan na çalakî seba ke şar bieşko beşdarê aktîvîteyanê kultur û hunerî bibo, organîze kena.

Çalakî bi fîlmê "Estaneka Kaykilî-4" dest pêkerd û meşte saete 15:00 û 19:00î de fîlmê "Cuye" yê Zekî Demîrkubuzî do bêro mojnayene. Her di fîlmî zî do bêheq bêrê mojnayene.

Aşma sibate de zî do gelek fîlmî bêrê mojnayene. 1, 8 û 15ê sibate de "Estaneka Kaykilî-4", 2yê sibate de "Pastaya Min a Favorî", 9ê sibate de "Rojêka ke Hemme Merda", 16ê sibate de " Marîya Bîyayîş", 22yê sibate de "Çewliko Keyweşe: Tren Kewt Rayîr", 23yê sibate de zî fîlmê "Çar Wayî" do bêrê mojnayene. Çalakî heme Merkezê Kultur û Kongre yê ÇandAmedî de do bêrê mojnayîş û pêro bêheq ê.