Şaredarîya Amedî ya Şaristanê Girdî seba ke şarê ma bieşko xidayanê weşan peyda biko, kontrolanê şewan de 160 kîloyî xidayî xirabî peyser kerdî.

Koordînasyonê Kontrolê Xidayan ke binê banê Serekîya Daîreya Karê Weşîye de awan bîyo seba ke şar bieşko xidayanê weşan peyda biko, xebatanê xo dewam kena. Na çarçewa de ekîbî, tesîsanê karî de kontrolê şewan kenê.

Xidayê xirabî îmha bîyî

Kontrolanê peyênan de ekîbanê Şaredarîya Baglarî yê ke girêdayeyê Koordînasyonê Kontrolê Xidayan ê, kontrolanê şewe de yew tesîsê karî de 160 kîlo goşto xirab ame girewtene û îmhakerdene. Xidayê  tesbît bîyî ameyî îmhakerdene û heqê tesîsanê berpirsîyaran de prosesê huqûqî virazîya.

30 tesîsan rê prosesê huqûqî virazîya

Kontrolanê peyênan reyde menga çeleyî de heqê 30 tesîsan ke xidayê ke weşîya şarî rê tehluke yê, roşenê, prosesê huqûqî virazîya. Ekîbî seba ke weşîya şarî bipawê do kontrolanê xo bêvindertene dewam bikerê.