Şaredarîya Amedî ya Şaristanê Girdî, seba 21ê Sibate Roja Ziwanê Dayîke, komê aktîvîteyanê cîya-cîyayan sey film, tîyatro, panel, konser, dîwanê dengbêjan û vatişê hîkayeyan organîze kena.
Serekîya Daîreya Karê Kultur û Sosyalî, Roja Ziwanê Dayîke ya 21ê Sibate aktîvîteyanê cîya-cîyayan reyde pîroz kena. Program ke heta 22ê sibate dewam keno, tede nê aktîvîteyî est ê: film, tîyatro, panel, konser, dîwana dengbêjan û vatişê hîkayeyan.
Aktîvîteyî Dêra Surp Gîragosî û Merkezê Kultur û Kongre yê ÇandAmedî de benê. Programê aktîvîteyan 8ê sibate de bi panelê "Migirdiç Dîkranyan û Nuşteyê Kurdkî yê Herfanê Armenîyan" Dêra Surp Gîragosî de dest pêkeno. Prof. Dr. Bulent Bîlmez, Ebdurrehman Yîgîtalp, Artun Gebenlîoglu, Îrfan Çagatay, Serhat Bozkurt û Tahîr Baykuşak do beşdarê panelî bibê.
Filmî ke Yenê Nîşandayene:
- 17ê Sibate Dişeme: "Kênaya Sîyaye"
- 18ê Sibate Sêşeme: "Netewa Nimitîye"
- 20ê Sibate Panşeme: "Her Keye Yew Mekteb o"
Dîwanê Dengbêjan, şîîr û muzîk:
19ê sibate çarşeme, performansê Ayhan Erkmen, Sidiqê Farqînî û Serkanê Bismilî reyde şewa vatişê hîkayeyan û dengbêjîye virazîyena.
20ê sibate panşeme, tîyatroyê "Strip-Tease" bi kaybazîya Zeycan Ateş, Lokman Baran û Sena Ozbeyî yeno pêşkêşkerdene.
21ê sibate îne, badê resepsîyonê Roja Ziwanê Dayîke Merkezê Kultur û Kongre yê ÇandAmedî de, şewa Kirmanckî/Zazakî dest pêkena. Dima, bi beşdarîya Celo Boluz, Derya Cengîz, Eylul Nazlîer, Xoser Rayîrwan, Wusar, Bedrîye Topaç, Omer Barasî, Îdrîs Yazar û Mem Keleş Çîçek şîîr û muzîk têmîyan benê.
Aktîvîteyê Roja Ziwanê Dayîke konserê hunermende Ayfer Duzdaş û grûba Lawje reyde 22ê sibate roja şemeyî qedîyenê.
Programê Aktîvîteyan:
- 8 Sibate Şeme, saete 16:00 - Panel Dêra Surp Gîragosî de
- 17 Sibate Dişeme, saete 19:00 - Film "Kênaya Sîya" Merkezê Kultur û Kongre yê ÇandAmedî de
- 18 Sibate Sêşeme, saete 19:00 - Film "Netewa Nimitîye"
- 19 Sibate Çarşeme, saete 19:00 - Şewa Vatişê Hîkayeyan û Dengbêjan
- 20 Sibate Panşeme, saete 19:00 - Film "Her Keye yew Mekteb o"
- 20 Sibate Panşeme, saete 20:00 - Tîyatroyê "Strip-Tease"
- 21 Sibate Îne, saete 17:30 - Resepsîyonê Roja Ziwanê Dayîke
- 21 Sibate Îne, saete 19:00 - Şewa Kirmanckî/Zazakî
- 22 Sibate Şeme, saete 19:00 - Konserê Ayfer Duzdaş û grûba Lawje