Şaredarîya Amedî ya Şaristanê Girdî, Taxa Kabê ya Qezaya Sûrî de cayêko newe yê  170 hezar metrekare de do goristanêk virazo.

Şaredarîya Şaristanê Girdî, seba ke xizmetê cenazeyan bajarî de hîna lez û bi sîstem bêrê ramitene cayanê goristanan organîze kena û cayê goristananê neweyan virazena. Na çarçewa de Serekîya Daîreya Karê Teknîkî, Taxa Kabê ya Qezaya Sûrî de cayêko 170 hezar metrekare de goristanêko newe do virazo. Goreyê projeya ke ameya hazirkerdene, pêro pîya 3 hezar û 584 metrekare cayo girewtî, 10 hezar û 120 metrekareyî cayê otoparkî zî cayê goristanî û organîzasyonê derûdorî ameyo plankerdene.

Cayê goristanî de awanîyê sey lawabo, gasilxane, cayê nimajê cenaze, camî, cayê pawîtişê meyîtî, depo û awanîya personelan zî ca gênê.

Badê ke prosesê îhaleyî biqedîyo, xebatê projeyî do dest pêbikerê.