Şaredarîya Amedî ya Şaristanê Girdî, qezayanê Henî û Çinarî de rayîrê ke vewre ra girewte bî akerdî û 2 nêweşî resnayî nêweşxane.

Serekîya Daîreya Koordînasyonê Rayîrpawîtiş û Binawanî, seba ke vewre tesîr kerdo bajar de xebatanê xo dewam kena. Dima ke tayê rayîrê taxanê dewan ê girêdayeyê qezayanê Henî û Çinarî vewre ra girewte bî, ekîbê Şaredarîya Şaristanê Girdî saetanê serê sibayî de dest bi xebate kerd.

Xebate dewam kerdêne ke Merkezê Vengdayîşê Lezabazî yê 112yî ra seba 2 nêweşan ra Taxa Çukurî ya girêdayeya Henî û Taxa Çatmadalî ya girêdayeya Çinarî ra xeber ame û ambulans rayîrê ke vewre ra girewtî bî, tira nêeşka şêro. Naye ser ekîbê Şaredarîya Şaristanê Girdî seba akerdişê nê rayîran kewt hereket.

Taxa Çukurî de rayîrê 23 kîlometre vewre ra ame pakkerdene û rayîr seba ambulansî ame akerdene û domanêko nêweş resna nêweşxane. Taxa Çatmadalî de zî ser waştişê yew şarî ke nêweşê dîyalîzî yo, ekîbê Serekîya Daîreya Koordînasyonê Rayîrpawîtişî û Binawanî rayîr akerd û kerd ke nêweş bi ambulansî bêro girewtene.

Ekîbê Şaredarîya Şaristanê Girdî, bi taybetî cayê berzî de ke vewre tesîr kena, seba akerdişê rayîran xebatanê xo dewam kenê.