Sereka Daîreya Karê Kulturî û Sosyalî ya Şaredarîya Amedî ya Şaristanê Girdî Zeynep Yaş, hunermendan reyde ke warê resim, heykel, fotograf û huneranê ewroyinan de xebatan kenê, ameye têhet û derheqê xebatanê hunerî û polîtîkaya kulturî ya bajarî de qisey kerd.

Sereka Daîreya Karê Kulturî û Sosyalî Zeynep Yaş, hunermendan reyde ke warê resim, heykel, fotograf û huneranê ewroyinan de xebatan kenê, ameye têhet. Kombîyayîşo ke Merkezê Kultur û Kongre yê ÇandAmedî de virazîya, tede hunermendê ke Kolektîfê Hunerî yê Merkezkaçî, Loading, Cayê Hunerî yo Akerde yê A4î, Kolektîfê HangArtî, Însîyatîfê Hunerî yê Dîyarbekirî, Galerîya Hunerî ya Ridvan Kudayî û Atolyeya Hunerî ya Germî de ca gênê beşdar bîyî.

'Ma bi hawayêko sazgehî eşkenê se bikê?'

Sereka Daîreya Karê Kulturî û Sosyalî Zeynep Yaş ke kombîyayîş de qisey kerd, ard vîrardene ke heeteyanê vîyarteyan de înan sazgehanê hunerî ke bajar de xebatan kenê zîyaret kerdî û fikrê pare kerdî. Yaş wina va: "Ma wazenê ke ma yew bi yew embazanê hunermendan ra biewnîyê ka ê se kenê û ma pîya eşkenê se bikê. Sey sazgehêka ke bajarî rê xizmet kena, waştiş, îhtîyac û perspektîfê şima seba ma muhîm ê, ma wazenê ma pîya biewnîyê ka ma bi hawayêko sazgehî eşkenê se bikê û bi hawayêko şexsî ma do senî têreyde bixebitîyê. Ma wazenê ma şima ra goşdarî bikê.”