Hemşaredaranê Amedî Serra Bucak û Dogan Hatun, peyê zîyaretê piştîdayîşî şîyê maçê Vanspor - Menemensporî temaşe kerd. Maç Stadyumê Bajarî yê Ataturkî yê Wanî de bî û Vansporî Menemenspor kerd mêman.

Maço ke seba ke hewteyo verên otonusa taximî rê êrîş bî, eleqeyêko pîl dî, Hemsereka Pêroyî ya DEM Partî Tulay Hatîmogullarî, Hemsereka Pêroyî ya DBP’yî Çîgdem Kiliçgun Uçar, Hemserekê GABB’î Siraç Çelîk, Hemşaredarê Şaredarîya Wanî ya Şaristanê Girdî Neslîhan Şedal û Abdullah Zeydan û parlamenterî zî ci temaşe kerd.

Maç 2-2 seypê qedîya û Vansporî puanê xo yê grûbe kerd 40.