Hemşaredarê Şaredarîya Amedî ya Şaristanê Girdî Serra Bucak û Dogan Hatun beşdarê kombîyayîşê aşma sibate yê Meclîsê Şaredarîya Wanî ya Şaristanê Girdî bîyî.

Meclîsê Şaredarîya Wanî ya Şaristanê Girdî, kombîyayîşê xo yê aşma sibate bi serdarîya Hemşaredar Abdullah Zeydanî kerd. Kombîyayîşî de Hemşaredarê Şaredarîya Amedî ya Şaristanê Girdî Serra Bucak û Dogan Hatun ke seba piştîdayîşî bajar de yê, înan reyde Hemsereka Pêroyî ya DEM Partî Tulay Hatîmogullarî, Hemsereka Pêroyî ya Partîya Herêmanê Demokratîkan (DBP) Çîgdem Kiliçgun Uçar, Hemserekê GABB’yî Sîraç Çelîk, parlamenterî û endamê Meclîsê Dayîkanê Aştî beşdar bîyî.

Hemşaredarê Şaredarîya Wanî ya Şaristanê Girdî Abdullah Zeydanî kombîyayîşê meclîsî de qisey kerd û dîyar kerd ke ê karê xo ser o yê û do dewam bikerê ke xizmetê şarî bikerê.

Badê qiseykerdişî madeyê rojeve yê meclîsî ameyî munaqeşekerdene.