Taximê Hentbolî yê Şaredarîya Amedî ya Şaristanê Girdî, Taximê Hentbolî yê Wendegehê Herême yê Yeşîllî mezlûb kerd û vejîya Lîga 1.

Taximê Hentbolî yê Şaredarîya Amedî ya Şaristanê Girdî ke binê Serekîya Daîreya Xizmetê Ciwan û Sporî de ameyo ronayene, bêvindîkerdiş şino ver bi hedefê xo. Taximê Hentbolî yê DBB’yî ke Grûba G ya Lîga 2. ya Federasyonê Hentbolî yê Tirkîya (THF) bêvindîkerdiş qedêna û bi 18 puanan bî şampîyon, tûrê Play-Offî de Grûba Sipî de her 3 maçanê xo de zî bi galibîyet aqitîya û resa Çapraz-Rêzkerdişî û Finalê Çarinan.

Taximê Hentbolî yê Şaredarîya Amedî ya Şaristanê Girdî, musabeqayanê çaprazî de ewro salona sporî ya Prof. Dr. Yaşar Sevîmî ya Enqera de Taximê Hentbolî yê Wendegehê Herême yê Yeşîllî (Mêrdîn) reyde kewte têver.

Taximê DBB’yî vejîya Lîga 1.

Taximê Hentbolî yê DBB’yî ke kayêko serkewte kay kerd, maçî ra bi galibîyetê 23-32yî aqitîya û vejîya Lîga 1. ya Hentbolî. Taximê Hentbolî yê DBB’yî do seba tesbîtkerdişê rêza Lîga 2. maçê finalê çarinan kay bikero.