Ekîbê Şaredarîya Amedî ya Şaristanê Girdî, dima ke vewre varaye 250 rayîrê taxanê dewan ra ke 10 qezayan de girewtî bî, 216 hebî akerdî.

Serekîya Daîreya Koordînasyonê Pawîtişî Rayîrû Binawanîyan, seba ke şarê ma şertanê zehmetan de problemê resî nêvînê, merkezê bajarî û rayîranê taxanê dewan de 6 şantîyeyan de bi 100 personel, 62 ekîb û zaf hacetan xebatanê xo dewam kena. Ekîbî, 7/24 vera vewre û rîskê cemedî têkoşîn danê.

Rayîrê 250 taxan girewtî

Vewre ke Amed de dewam kena, qezayanê Çêrmug, Çinar, Baglar, Şankûş, Pîran, Erxenî, Heni, Pasûr, Licê, Farqîn û taxanê dewan de tesîrin a. Dima ke vewre varaye Baglar de 37, Çêrmug de 8, Çinar de 27, Şankûş de 34, Pîran de 18, Erxenî de 48, Heni de 18, Pasur de 22, Licê de 19 û Farqîn de 19, pêro pîya rayîrê 250 taxanê dewan ameyê girewtene.

Rayîrê 216 taxan akerdî

Xebatan de ke ekîban vizêr ra nata dewam kerd, Baglar de 37, Çêrmug de 8, Çinar de 27, Pîran de 18, Erxenî de 48, Heni de 18, Pasûr de 22, Licê de 19 û Farqîn de 19, pêro pîya rayîrê 216 taxanê dewan akerdî. Ekîbî, Şankûş de zî seba akerdişê rayîranê taxan xebatanê xo dewam kenê.