Mudirîya Pêroyî ya DÎSKÎ yê Şaredarîya Amedî ya Şaristanê Girdî, Taxa Bagcilaran de cayê Bulwarê Rihayî de seba çareserkerdişê xirabîyanê xeta awa şimitişî xebatêka xurte ramnena.

Taxa Bagcilaran de cayê Bulwarê Rihayî de xeta awa şimitişî de xirabîye vejîya. Seba xirabîye qezaya Baglarî ra taxanê Yeşildallli, Bagcilar û Serabguzelî û qezaya Kayapinarî ra taxanê Firat û Barişî de awe ameye birnayene.

Ekîbî seferber bîyî

Ekîbê Serekîya Daîreya Awa Şimitişî ya Mudirîya Pêroyî ya Îdareyê Awe û Kanalîzasyonî ya Amedî (DÎSKÎ) seba xirabîye seferber bîyî. Mudirîya Pêroyî ya DÎSKÎ seba ke xebatî bilez biqedîyê heme piştîya teknîkî ya lazime temîn kerde.

Şerîfogluyî xebatî kontrol kerdî

Mudirê Pêroyî yê DÎSKÎ Mehmet Şerîfogluyî cayê ke xirabîye tede vejîya, xebatê ke ekîbî ramnenê ca de kontrol kerdî. Şerîfogluyî ke ekîbê teknîkî ra malumatî girewtî, dîyar kerd ke xebatî do bilez biqedîyê û do reyna 5 taxan rê awe bêro dayene.