Şaredarîya Amedî ya Şaristanê Girdî, bajar de varayîşê vewre ra ke 4 rojî tesîr kerdo 10 qezayan de 263 taxanê dewan de rayîro 1.879 kîlometre ke girewtî bî, resî rê ameyî akerdene.

Serekîya Daîreya Koordînasyonê Pawitişê Rayîr û Binawanî, seba ke şarê ma şertanê hewayê zehmetî de problemê resî nêvînê, merkezê bajarî û rayîranê taxanê dewan de 6 şantîyeyan de bi 100 personel, 62 ekîb û zaf hacetan xebatanê xo dewam kena. Ekîbî, 7 rojî 24 saetî vera varayîşê vewre û rîskê cemedî têkoşîn danê.

Amed de 12, 13 û 14ê sibate de varayîşê vewre ra qezayanê Pasur, Farqîn, Licê, Pîran, Erxenî, Şankûş, Çêrmug, Çinar, Baglar û Henî de rayîrê 263 taxanê dewan girewîyayî. Xebatanê ke ekîban dewam kerdî, Pasur de 40 taxan de 500, Farqîn de 19 taxan de 66, Çêrmug de 20 taxan de 80, Çinar de 24 taxan de 85, Baglar de 18 taxan de 80, Licê de 25 taxan de 350, Pîran de 26 taxan de 157, Erxenî de 40 taxan de 200, Heni de 21 taxan de 111, Şankûş de zî 30 taxan de 250 kîlometre rayîr akerdî.