Mudirîya Pêroyî ya Îdareyê Awe û Kanalîzasyonî ya Şaredarîya Amedî ya Şaristanê Girdî (DÎSKÎ), xirabîya ke qezayanê Baglar û Kayapinarî de vejîyabî, bi xebatanê xurtan tamîr kerde.

Ekîbê Mudirîya Pêroyî ya DÎSKÎ, xirabîya awe ke Taxa Bagcilaran de vejîyabî bi xebatanê xurtan çareser kerde. Seba xirabîya ke borîya polatî ya 800inî de vejîyabî, tayê taxanê girêdayeyê Baglar û Kayapinarî de awe birîyaye.

Ekîbî heta nêmeyê şewe xebitîyayî

Ekîbê Xirabîya Awe yê Serekîya Daîreya Awa Şimitişî ya DÎSKÎ, seba ke birnayîşî çareser bikerê heta nêmeyê şewe xebatêka xurte ramite. Prosesê tamîrî de 35 personelî xebitîyayî.

Mudirê Pêroyî yê DÎSKÎ Mehmet Şerîfogluyî, destpêkî xirabîye ra heta ke xirabîye çareser bî qade de etud û koordîne kerd.