Şaredarîya Amedî ya Şaristanê Girdî, 4 aşmanê peyênan de taxanê dewan û merkezê bajarî de 3 hezar û 500 kesan rê xizmetê testê weşîye da.

Serekîya Daîreya Karê Weşîye, bi programanê perwerdeyê weşîye ke taxan de organîze kena, şarî rê xoresnayîşê heqê weşîye temîn kena. Program de personalê weşîye ke taxanê dewan û merkezê bajarî de gêrayî, tansîyon, şeker û endeksê hecmê bedenê şarî, testê diganîyîye, û kontrolê fek û didananê gedeyan kerd.

Taxa Kevnecar de testê weşîye

Programî de personalê weşîye ke Merkezê Weşîye yê girêdayeyê Mudirîya Şûbeyê Karê Îdarî yê Weşîye ra 1 doktor, 5 hemşîre, 1 paramedîk û 2 laborantî ra yeno meydan, Taxa Kevnecar (Alabalî) ya girêdayeya Qezaya Sûrî de şarwî rê testê weşîye û perwerdeyê weşîye da.

Cinîyan rê ke destan reyde kontrolê çiçikan ame kerdene, seba ke bieşkê bi xo kontrolê xo bikerê, perwerde ame dayene. Programî de ke perwerdeyê hîpertansîyon û dîyabetî ame dayene, tede reyna gedeyan rê perwerdeyê weşîya fek û didanan ame dayene û macûn û firçeyê didanan ameyî vilakerdene.

Xebatî do dewam bikerê

Ekîbê ke taxanê dewan û merkezê bajarî de 4 aşmanê peyênan de 3 hezar û 500 kesan rê xizmetê testê weşîye û perwerde da, programî de do taxanê bînan de xebatanê xo dewam bikerê.