Mudirîya Pêroyî ya DÎSKÎ yê Şaredarîya Amedî ya Şaristanê Girdî, seba ke derheqê şuxulnayîşê awe yê bi hişmendî de hişmendî virazê, wendekarê dibistane Tesîsê Agoznayîşê Awa Şimitişî de kerdî mêman.

Mudirîya Pêroyî ya Îdareyê Awe û Kanalîzasyonî ya Amedî (DÎSKÎ), seba ke ehemîyetê awe ser o bale bianco û derheqê şuxulnayîşê awe yê bi hişmendî de hişmendî virazo, seba wendekaranê dibistane aktîvîteyêk organîze kerd. Programî de wendekarê sinifa 3. ya dibistane yê Prof. Dr. Fuat Sezgînî, Tesîsê Agoznayîşê Awa Şimitişî zîyaret kerd û awe çeşmeyan heta resena merheleyê ke tede yena agoznayîş, ca de musayî.

Merheleyê awe yew bi yew ameyî îzahkerdene

Wendekaranê, derheqê pêmitişê debîyê awa ke Bendawa Dîcle ra yena tesîsê agoznayîşî, awanbîyayîşê hewadayîşî, vernîya klorkerdiş, zuwakerdiş, karê fîltrekerdiş û vilakerdişê şebekeyê bajarî de malumat ame dayene. Gêrayîşê ke zereyê tesîsî de bî, tede her merheleyê awe yew bi yew ame îzahkerdene. Wendekaranê ke odaya SCADA de awa ke şebekeyê bajarî rê yena dayene senî yena taqîbkerdene musayî, Laboratuarê Kontrolê Awe de zî analîzê awe dîyî.

Ehemîyetê awe ame îzahkerdene

Wendekaran derheqê "ehemîyetê awe, pawitişê çimeyê awe, şuxulnayîşê awe yê bi hişmendî, tasarufê awe û vurîyayîşê îklîmî" de malumatî girewtî.

Wendekaran sertîfîkaya 'sefîrê awe' girewte

Peynîya aktîvîteyî de wendekaran rê sertîfîkaya "Sefîrê Awe" ameye dayene û seba ke seba şuxulnayîşê awa tasarufine bibê zerrîwaz teşwîq bîyî. Wendekaranê ke sertîfîkayê xo girewte, îfade kerd ke zanayîşî ke musnayî do keyeyê xo û embazanê xo reyde par bikerê û va ke do hişmendîya xo ya derheqê tasarufa awe de dewam bikerê.