Mudirîya Pêroyî ya DÎSKÎ yê Şaredarîya Amedî ya Şaristanê Girdî, Qezaya Yenîşehîrî de seba bedilnayîşê rayîrê xeta kanalîzasyonî ke binê lojmananê weşîye yê xeripîyayan ra vîyareno dest bi xebate kerd.

Mudirîya Pêroyî ya Îdareyê Awe û Kanalîzasyonî ya Amedî (DÎSKÎ), xebatanê binawanî yê bajarî dewam kena. Na çarçewa de, seba xetêka newîye ke deplaseyê (bedilnayîşê cayî) xeta kanalîzasyonî ke Taxa Şehîtlîkî ya Qezaya Yenîşehîrî de binê lojmananê weşîye yê xeripîyayan ra vîyareno û emrê aye yo ekonomîk qedîyayo, dest bi xebate kerd.

Planê binawanî yo 50 serrî

Ekîbê DÎSKÎ dîyar kerd ke seba ke xeta ke est a, kehen û qefelnayaya mudaxeleyê aye zehmet o. Coka, qerar ame dayene ke xetêka newa û xurte bêra ronayene. Xeta newa reyde, hedef o yo ke hewcedarîya binawanî ya herême 50 serrê ameyoxî de bêproblem bêro temînkerdene.