Ekîbê Şaredarîya Amedî ya Şaristanê Girdî, qezayanê Şankûş, Pîran û Henî de taxanê dewan de ke varayîşê vewre tesîr kerdo û rayîrê ke girewtî bî akerê xebatanê ke dest pêkerd, dewam kenê. Ekîban, heta nika rayîrê 165 kîlometreyî seba resî akerdê.

Serekîya Daîreya Koordînasyonê Rayîrpawîtişî û Binawanî, seba ke şar şertanê hewaya zehmetî de problemê resî nêvîno qezayan û rayîranê taxanê dewan de 6 şantîyeyan de bi 100 personel, 62 ekîb û zaf hacetan xebatanê xo dewam kena. Ekîbî, 7 rojî 24 saetî vera varayîşê vewre û rîskê cemedî têkoşîn danê.

Ekîbî, rayîrê Aydinlî-Turkmênî yê girêdayeyê Şankûşî de rayîrê 20 kîlometreyî akenê, rayîrê grûba Malkaya-Çataldut Yayginkonax-Yazyagmurî Albayraxî de zî cayêko 45 kîlometreyî de rayîr akerê xebatêka xurte ramnenê.

Qezaya Pîran de taxanê Kelekçî, Bogaz, Gelincik, Baltacî, Uluçeşme, Kurşunlî, Kupetaş Kirkpinar, Yokuşlî Behrubagaz, Gundogdî, Şenovaya Corên, Yamaç, Kurudere, Oba Mezra, Taşagila Cêrên, Taşagila Corên, Yeşilsirt Bîçer, Altay û Baxçe de rayîrê 157 kîlometreyî ra 85 kîlometreyî ameyo akerdene, seba ke rayîrê ke mendê abîyê, xebatî dewam kenê.

Heni de 60 km rayîr ame pakkerdene

Qezaya Heni de Rayîrê Giredayîşî yê Turalîya Corên, Kuyular, Topçular Akçayurt, Dilktaş, Sarievler, Guzelce, Taşburnî, Başaklî, Uysal, Kalaba, Gurbulak, Kendal, Turalîya Cêrên, Ovacik, Eşkîn, Bozuk, Çukur taxan de rayîrê 111 kîlometreyî ra 60 kîlometreyî ameyo akerdene, rayîrê ke mendê, seba înan xebatî dewam kenê.

Qezaya Pasurî de zî ekîbê ke xeber girewt ke rayîrê 20 taxan girewtî yê, seba ke varayîşê vewre dewam keno eşkenê tena cayê lezgînan mudaxele bikerê.