Mudirîya Pêroyî ya DÎSKÎ ya Şaredarîya Amedî ya Şaristanê Girdî, wendekaranê Lîseya Anadolî ya Selahedîn Eyubî rê Tesîsê Awezelalkerdişî de perwerde da. Wendekaran awa xame ke Awbendê Dîcle ra yena hetanî ke bena zelale, pêro merheleyî ca de dîyî û derheqê nê prosesî de melumatê teorîkî girewtî.

Operatorê Tesîsî M. Salîh Okmen, prosesê zelalkerdişê awe û kontrol kerdişê kalîteyî îzeh kerd. Berpirsîyarê Kalîteyî Azat Demîrî zî qeyd kerd ke wendekaran hem laboratuwarî de hem zî prosesê zelalkerdişî de melumatê muhîmî girewtî û bîyî wayîrê hîşmendîya derheqê awa pêtî û muhafezekerdişê derûdorî.