Hemşaredara Şaredarîya Amedî ya Şaristanê Girdî Serra Bucak, beşdarê resepsîyonî bîye ke seba 21ê Sibate Roja Ziwanê Dayîke ya Dinya organîze bîyo, û va ma do wareyê ziwanî de hîna zaf bixebitîyê û tora ziwanî hîna gird bikerê.

Serekîya Daîreya Karanê Kultur û Sosyalan, seba 21ê Sibate Roja Ziwanê Dayîke ya Dinya Merkezê Kultur û Kongre yê Çand Amedî de resepsîyon organîze kerd. Resepsîyon de Hemşaredara Şaredarîya Şaristanê Girdî Serra Bucak reyde hemşaredarê şaredarîyanê qezayan, Sereka Daîreya Karanê Kultur û Sosyalan Zeynep Yaş, nuştox û hunermendê ke wareyê ziwanî de xebate kenê û şar beşdar bî.

Bucak qeyd kerd ke her ziwan hurmetin û wayîrê erjî yo û va "Ma sey hemşaredaranê nê bajarî seba averşîyayîşê Kurdkî xebatan kenê û ma do nê xebatan hîna aver berê. Ma soz danê şima, ma do xebata ziwanî aver berê. Ma do seba zarawayanê Kurdkî hetkarî bikê."

Dima ra ziwannas û nuştox Mehemed Malmîsanijî qisey kerd û va "Seba kirmanckî hewcedarîya cayêkê hîrayêrî est a. Gereke seba kirmanckî hîna zaf piştî bêro dayene."